چین اور تھائی لینڈ کی جانب سے مارچ 2024 سے ویزا کی شرائط ختم کرنے کا اعلان کر دیا گیا۔
غیر ملکی میڈیا رپورٹس کے مطابق تھائی وزیر اعظم سریتھا تھاویسین نے کہا ہے کہ تھائی لینڈ اور چین مارچ سے ایک دوسرے کے شہریوں کے لیے ویزا کی شرائط کو مستقل طور پر ختم کر دیں گے۔تھائی لینڈ نے سیاحوں کی آمد کو بڑھانے کے لیے ستمبر میں چینی شہریوں کے لیے ویزا ختم کر دیا تھا۔ذرائع کے مطابق چھوٹ کے پہلے دو دنوں میں 22,000 سے زیادہ چینی شہری جنوب مشرقی ایشیائی ملک میں داخل ہوئے۔
منگل کو ایک پریس کانفرنس میں تھائی وزیر اعظم سریتھا نے کہا کہ ابھی ہم ملک کو کھولنے اور دونوں ممالک میں سیاحوں کا باہمی طور پر خیال رکھنے کے لیے تیار ہیں اور یہ خوش آئند خبر ہے۔اس سے تھائی لینڈ اور چین کے درمیان تعلقات میں بہتری اور تھائی پاسپورٹ کی اہمیت میں اضافہ ہوگا۔تھائی لینڈ کی ٹورازم اتھارٹی نے نومبر میں کہا تھا کہ اسے پورے 2023 میں 3.5 ملین چینی سیاحوں کی توقع ہے جو کہ ابھی تک اس کے 4 ملین کے ہدف سے کم ہے۔
