آبنائے ہرمز سے متعلق امریکی منصوبے "پروجیکٹ فریڈم” کی عارضی معطلی کے بعد عالمی منڈی میں خام تیل کی قیمتوں میں نمایاں کمی دیکھنے میں آئی ہے۔ تازہ ترین رپورٹس کے مطابق برطانوی برینٹ کروڈ کی قیمت میں چار فیصد کمی ریکارڈ کی گئی ہے، جس کے بعد اس کی قیمت کم ہو کر 108 ڈالر ایک سینٹ فی بیرل تک پہنچ گئی ہے۔
اسی طرح امریکی خام تیل ویسٹ ٹیکساس انٹرمیڈیٹ (ڈبلیو ٹی آئی) کی قیمت میں بھی چار فیصد کمی ہوئی ہے، اور یہ اس وقت 102 ڈالر ایک سینٹ فی بیرل پر ٹریڈ ہو رہا ہے۔
دوسری جانب متحدہ عرب امارات کے خام تیل کی قیمت بھی کم ہو کر تقریباً 106 ڈالر فی بیرل ہو گئی ہے۔ ماہرین کے مطابق امریکی منصوبے کی معطلی سے خطے میں کشیدگی میں کمی آئی ہے، جس کے باعث عالمی سطح پر تیل کی سپلائی کے خدشات کم ہوئے اور قیمتوں میں کمی واقع ہوئی۔
تجزیہ کاروں کا کہنا ہے کہ اگر خطے میں صورتحال مستحکم رہی تو آئندہ دنوں میں تیل کی قیمتوں میں مزید اتار چڑھاؤ دیکھا جا سکتا ہے۔
