حکومت نے رمضان المبارک سے قبل صارفین پر مہنگائی کا نیا بوجھ ڈالتے ہوئے پیٹرولیم مصنوعات کی قیمتوں میں بڑا اضافہ کرکے اس حوالے سے نوٹی فکیشن بھی جاری کردیا ۔
اسلام آباد: پیٹرولیم ڈویژن کی جانب سے جاری نوٹیفکیشن کے مطابق حکومت نے اوگرا کی تجاویز کی بنیاد پر پیٹرولیم مصنوعات کی قیمتوں میں اضافہ کردیا کرتے ہوئے اعلامیہ بھی جاری کردیا ۔
نوٹی فکیشن میں کہا گیا ہے کہ پیٹرول کی فی لیٹر قیمت میں 5 روپے کا اضافہ کردیا گیا ہے، جس کے بعد پیٹرول کی فی لیٹر نئی قیمت 258 روپے 17 پیسے ہوگئی ہے ۔
نوٹی فکیشن کے مطابق ہائی سپیڈ ڈیزل کی قیمت میں 7 روپے 32 پیسے فی لیٹر اضافہ کیا، ڈیزل کی فی لیٹر نئی قیمت 268 روپے 38 پیسے سے بڑھ کر 275 روپے 70 پیسے ہوگئی ہے ۔
نوٹیفکیشن میں کہا گیا ہےکہ پیٹرولیم مصنوعات کی نئی قیمتوں کا اطلاق رات 12 سے ہو گیا ہے جبکہ اس کا اطلاق اگلے 15 روز کے لیے ہوگا ۔
