لوئر دیر میں نامعلوم افراد کی فائرنگ سے سرکاری سکول استاد کو بیٹی سمیت قتل کردیا گیا ، عمر خالق استاد اپنی بیٹی کے ہمراہ سکول ڈیوٹی کیلئے جارہے تھے کہ نامعلوم افراد نے شوڑشنگ میں نشانہ بنایا ۔
دیر لوئر: پولیس ذرائع کے مطابق لوئر دیر کے علاقے اسبنڑ شوڑشنگ میں سرکاری سکول کے استاد اور ان کی بیٹی کو اس وقت فائرنگ کا نشانہ بنایا گیا جب وہ سکول ڈیوٹی کیلئے جا رہے تھے ۔
عینی شاہدین کا کہنا ہے کہ نامعلوم ملزمان کی اندھا دھند فائرنگ سے سکول استاد عمر خالق اور ان کی بیٹی موقع مپر جاں بحق ہو گئے ۔
واقعے کی اطلاع ملتے ہی پولیس کی بھاری نفری جائے وقوع پر پہنچ گئی اور علاقے کو گھیرے میں لے کر شواہد اکٹھے کرنے کے ساتھ ساتھ تحقیقات کا آغاز کر دیا ۔
فائرنگ کے افسوسناک واقعے نے علاقے میں خوف و ہراس پھیل گیا، جب کہ ملزمان کی تلاش کے لیے پولیس نے کارروائیاں شروع کردی ہیں ۔
فائرنگ کے واقعے کے بعد سکول کے بچوں اور مقامی افراد نے احتجاج بھی کیا اور ملزمان کی گرفتاری کا مطالبہ کیا ہے ۔
