پشاور (خصوصی رپورٹر) چیئرمین آل پاکستان کمرشل امپورٹرز ایسوسی ایشن خیبر پختونخوا حاجی جاوید بلال نے کہا ہے کہ پٹرول اور ڈیزل کی قیمتوں میں راتوں رات کیے گئے اضافے کی مثال ملکی تاریخ میں پہلے کبھی نہیں ملتی۔
انہوں نے کہا کہ ناقص خارجہ پالیسیوں کے نتیجے میں پاکستان اپنے پڑوسی ممالک سے اختلافات کی دلدل میں پھنس چکا ہے۔ عوام نے پٹرولیم مصنوعات کی بڑھتی ہوئی قیمتوں کو مسترد کیا ہے اور حکومت و اس کے اتحادیوں پر شدید تنقید کی ہے۔
حاجی جاوید بلال نے مزید کہا کہ حکمران اپنے شاہانہ اخراجات اور کرپشن کا بوجھ عوام پر ڈالنے سے باز رہیں اور ملکی معیشت کو مستحکم بنانے کی طرف توجہ دیں۔
