محکمہ موسمیات کے مطابق آئندہ 24 گھنٹوں کے دوران ملک کے بیشتر علاقوں میں موسم گرم اور مرطوب رہنے کا امکان ہے ، تاہم بالائی خیبر پختونخوا ، شمال مشرقی پنجاب اور کشمیر میں بعض مقامات پر بارش کی پیش گوئی کی گئی ہے ۔
محکمہ موسمیات کے مطابق خیبر پختونخوا کے ملاکنڈ اور ہزارہ ڈویژنز کے مختلف علاقوں میں تیز بارش کا بھی امکان ہے ۔
مون سون بارشوں کی شدت میں کمی کے بعد ملک کے مختلف علاقوں میں درجہ حرارت میں اضافہ ریکارڈ کیا گیا ہے ۔ سبی اور دادو میں زیادہ سے زیادہ 43 ڈگری سینٹی گریڈ درجہ حرارت ریکارڈ کیا گیا، جبکہ مالم جبہ میں کم ترین 23 ڈگری، راولا کوٹ اور بابوسر میں 24 ڈگری سینٹی گریڈ ریکارڈ ہوا ۔
خیبر پختونخوا میں ڈیرہ اسماعیل خان 39 ڈگری سینٹی گریڈ کے ساتھ گرم ترین شہر رہا۔ پشاور میں 38 ڈگری، بنوں میں 37 ڈگری جبکہ مالم جبہ میں 23 ڈگری سینٹی گریڈ درجہ حرارت ریکارڈ کیا گیا ۔
بلوچستان میں سبی 43 ڈگری سینٹی گریڈ کے ساتھ ملک کا گرم ترین شہر رہا۔ نوکنڈی اور قلات میں 41 ڈگری جبکہ کوئٹہ میں 38 ڈگری سینٹی گریڈ درجہ حرارت ریکارڈ کیا گیا ۔
سندھ میں دادو میں 43 ڈگری، سکھر اور نواب شاہ میں 41 ڈگری جبکہ کراچی میں 35 ڈگری سینٹی گریڈ درجہ حرارت ریکارڈ کیا گیا ۔
پنجاب میں ڈیرہ غازی خان اور بہاولپور میں 41 ڈگری جبکہ لاہور میں 32 ڈگری سینٹی گریڈ درجہ حرارت ریکارڈ کیا گیا ۔
