ٹی 20 ورلڈ کپ کے سُپر ایٹ مرحلے کے تیسرے میچ میں جنوبی افریقہ نے بھارت کو 76 رنز سے شرمناک شکست دیدی، جنوبی افریقہ کا188 رنز ہدف کے تعاقب میں بھارت کی پوری ٹیم 111 رنز پر ڈھیر ہو گئی ۔
احمد آباد میں کھیلے گئے ایونٹ کے 43 ویں میچ میں پہلے بیٹنگ کرتے ہوئے جنوبی افریقا نے مقررہ اوورز میں 7 وکٹوں کے نقصان پر 187 رنز بنائے ،ڈیوڈ ملر 63 رنز بنا کر نمایاں رہے۔ ڈیوالڈ بریوس 45، رائن رکلٹن 7، کوئنٹن ڈی کاک 6، کپتان ایڈن مارکرم 4 اور مارکو جینسن 2 رنز بنا کر آؤٹ ہوئے ، ٹرسٹن سٹبز 44 رنز بنا کر ناٹ آؤٹ پویلین لوٹے ۔
بھارت کی جانب سے جسپریت بمراہ نے 3 اور ارشدیپ سنگھ نے 2 کھلاڑیوں کو آؤٹ کیا، ورون چکرورتی اور شیوم ڈوبے 1، 1 وکٹ حاصل کر سکے ۔
بھارتی ٹیم 188 رنزکے تعاقب میں 19 ویں اوور میں 111 رنز بنا کر آؤٹ ہوگئی، شیوم ڈوبے 42 رنز بنا کر نمایاں رہے، ہاردیک پانڈیا 18، کپتان سوریا کمار یادیو 18، ابھیشیک شرما 15، واشنگٹن سندر 11، تیلک ورما 1، ارشدیپ سنگھ 1، رنکو سنگھ 0، ایشان کشن 0 اور جسپریت بمراہ بھی بغیر کوئی رن بنائے چلتے بنے ۔
جنوبی افریقہ کی جانب سے مارکو جینسن نے 4، کیشور مہاراج نے 3، کوربن بوش نے 2 جبکہ ایڈن مارکرم نے 1وکٹ حاصل کی ۔
شاندار 63 رنز سکور کرنے پر جنوبی افریقہ کے ڈیوڈ ملر کو میچ کا بہترین کھلاڑی اقرار دیا گیا ۔
