اسرائیل پر ایران کی جوابی کارروائی کے فوری بعد ایران کے سپریم لیڈر آیت اللہ خامنہ ای کا بیان جاری کیا گیا ہے جس میں اسرائیل کو سخت پیغام دیا گیا ہے ۔
ایران کے سپریم لیڈر آیت اللہ علی خامنہ ای نے ایرانی عوام کے نام پیغام میں کہا ہے کہ صہیونی ریاست کو اپنے جرائم کا خمیازہ بھگتنا پڑے گا ، اب اسرائیلوں کو بھاگنے کی اجازت نہیں دی جائے گی ۔
آیت اللہ علی خامنہ ای کا کہنا تھاکہ صیہونی حکومت نے ایک بہت بڑی غلطی کی ہے اور اس کے نتائج بہت ہی برے ہوں گے، ایرانی قوم قیمتی شہدا کا خون رائیگاں نہیں جانے دے گی ۔
انہوں نے کہا کہ ہماری مسلح افواج تیار ہیں، ملک کے حکام اور عوام کے تمام ارکان مسلح افواج کے پیچھے ہیں، آج ہر کوئی یہ محسوس کرتا ہے کہ ہمیں صہیونی دہشتگردوں کے خلاف بھرپور کارروائی کرنی چاہیے، ہمیں طاقت سے کام کرنا چاہیے، اور ہم طاقت سے جواب دیں گے، ہم ان کے ساتھ سمجھوتہ نہیں کریں گے ۔
آیت اللہ خامنہ ای کا کہنا تھا کہ اسرائیلیوں پر زندگی بلاشبہ تلخ ہو جائے گی، یہ مت سوچیں کہ انہوں نے یہ کیا اور بس، نہیں یہ جنگ انہوں نے شروع کی، اب ان کو بھاگنے کی اجازت نہیں دیں گے، ہماری مسلح افواج اس دشمن پر سخت ضربیں لگائے گی ۔
سپریم لیڈر کے مطابق ایران کی مسلح افواج اللہ کے حکم سے صیہونی حکومت کو شکست دے گی، قوم کو یقین دلاتا ہوں کہ اس سلسلے میں کسی قسم کی کوتاہی نہیں ہوگی ۔
