پاکستان کے عرفان محسود نے اٹلی کے مارسیلو فیری کے دو مزید گینیز ورلڈ ریکارڈز توڑ دئیے اور مارشل آرٹ میں عالمی ریکارڈ قائم کر دیا۔ یاد رہے کہ اٹلی کے مارسیلو فیری نے پاوں کے انگوٹھے سے 40 پاونڈ وزن کو 1 منٹ 32 سیکنڈز تک اٹھا کر عالمی ریکارڈ بنایا تھا، جبکہ عرفان محسود نے 40 پاونڈز وزن 3 منٹ 20 سیکنڈ تک اٹھا کر عالمی ریکارڈ قائم کر دیا۔
عرفان محسود 8 سال کے کم عرصے میں 100 گینیز ورلڈ ریکارڈز بنانے والے پہلے پاکستانی بن گئے۔ واضح رہے کہ عرفان محسود پش اپس کیٹیگری میں بھی سب زیادہ 46 گینیز ورلڈ ریکارڈز بنا چکے ہیں۔ پاکستان کے اس نامور کھلاڑی نے 100 پاونڈ وزن کے ساتھ 31 ریکارڈز بنا رکھے ہیں۔ اس کے علاوہ عرفان محسود مارشل پش اپس، سکواٹس، جمپنگ جیکس، سٹیپ اپس، نی سٹرائکس، ایلبو سٹرائکس، سائڈ جمپس، ہائی جمپس، سٹار چمپس وغیرہ کے ریکارڈز بنا چکے ہیں۔
2023 میں ان کو صدارتی ایوارڈ برائے حسن کارگردگی سے بھی نوازا گیا تھا۔
