اسلام آباد ہائیکورٹ نے صنم جاوید کی گرفتاری کو غیرقانونی قرار دے دیا

اسلام آباد ہائی کورٹ میں صنم جاوید کی رہائی کی درخواست کی سماعت ہوئی۔
اٹارنی جنرل نے موقف اختیار کیا کہ صنم جاوید اب آزاد ہیں اپنے صوبے میں جا سکتی ہیں۔
جسٹس میاں گل حسن اورنگزیب نے صنم جاوید کے وکیل سے کہا کہ میں نے انٹرنیٹ پر دیکھا کہ صنم جاوید بہت نامناسب زبان استعمال کرتی ہیں۔ کیا آپ گارنٹی دیتے ہیں کہ وہ آئندہ نامناسب گفتگو نہیں کریں گی جس پر وکیل نے جواب دیا کہ صنم جاوید آئندہ نامناسب الفاظ استعمال نہیں کریں گی۔
اسلام آباد ہائی کورٹ نے پی ٹی آئی رہنما صنم جاوید کی رہائی کی درخواست نمٹا تے ہوئےان کی گرفتاری غیرقانونی قرار دے دی۔
صنم جاوید کے وکیل نے میڈیا سے گفتگو میں کہا کہ اٹارنی جنرل نے ملاقات میں یقین دہانی کروائی ہے کہ صنم جاوید کو ملک بھر میں کہیں بھی کسی مقدمے میں گرفتار نہیں کیا جائے گا۔اس حوالے سے اسلام آباد اوربلوچستان میں درج ایف آئی آر بھی واپس لی جائیں گی۔