نائب وزیراعظم و وزیر خارجہ اسحاق ڈار ایک روزہ دورہ پر کابل پہنچ گئے، کابل کے ہوائی اڈے پر افغان ڈپٹی وزیر خارجہ ڈاکٹر محمد نعیم وردگ، ڈی جی وزارت خارجہ مفتی نور احمد، چیف آف سٹیٹ پروٹوکول فیصل جلالی نے اسحاق ڈار کا استقبال کیا ۔
وزیر خارجہ اسحاق ڈا نے کابل میں افغانستان کے قائم مقام وزیراعظم ملا حسن اخوند سے ملاقات کی ، اس دوران پاک افغان دوطرفہ تعلقات، پاک افغان ٹریڈ، پاکستان سے افغان شہریوں کے انخلا، بارڈر مسائل اور دیگر اہم امور پر تبادلہ خیال کیا گیا ۔
دریں اثنا افغان وزارت خارجہ پہنچنے پر افغان وزیر خارجہ مولوی امیر خان متقی نے اسحاق ڈار استقبال کیا،اس دوران وزیر خارجہ سینیٹر محمد اسحاق ڈار نے اعلیٰ افغان حکام سے ملاقاتیں کی ہیں ۔
دونوں ممالک کے وزرائے خارجہ کے درمیان اہم مذاکرات ہوئے جس میں تاریخی رشتوں کو مزید مضبوط بنانے پر تبادلہ خیال ہوا اور مشترکہ امن و ترقی کے عزم کا اظہار کیا گیا ۔
ملاقات میں دو طرفہ مسائل کے حل کے لیے بات چیت کو مثبت ماحول میں جاری رکھنے پر بھی اتفاق کیا گیا، اس موقع پر افغانستان میں پاکستان کے ہیڈ آف مشن سفیر عبید الرحمان نظامانی اور سفارتخانے کے افسران بھی موجود تھے ۔
دونوں ممالک کے وزرائے خارجہ کے درمیان اہم مذاکرات، تاریخی رشتوں کو مزید مضبوط بنانے پر تبادلہ خیال کیا گیا،
اس موقع پر وزیر خارجہ اسحاق ڈار کا کہنا تھا کہ پاکستان اپنے برادر ملک افغانستان کی ترقی و خوشحالی کا خواہاں ہے،
اس موقع پر دونوں ممالک کے وزرائے خارجہ نے مشترکہ امن و ترقی کے لیے عہد کے عزم کا اعادہ بھی کیا اور دو طرفہ مسائل کے حل کے لیے بات چیت کو مثبت ماحول میں جاری رکھنے پر اتفاق بھی ہوا ۔
ترجمان دفتر خارجہ کے مطابق اسحاق ڈار کے ہمراہ وفد میں سیکرٹری داخلہ، سیکرٹری ریلوے، وزارت خارجہ اور ایف بی آر کے سینئر افسران شامل ہیں ۔
ترجمان دفتر خارجہ کا کہنا ہے کہ دورے کے دوران باہمی مفادات کے تمام شعبوں بشمول سیکیورٹی، تجارت، رابطے اور عوام سے عوام کے تعلقات میں تعاون کو گہرا کرنے کے طریقوں اور ذرائع پر توجہ دی جائے گی ۔
نائب وزیراعظم کا یہ دورہ پاکستان کی جانب سے برادر ملک افغانستان کے ساتھ مستقل اور مضبوط روابط کے عزم کا مظہر ہے ۔
