پشاور (خصوصی رپورٹر) — پشاور یونیورسٹی کے شعبہ جرنلزم اینڈ ماس کمیونیکیشن سے فارغ التحصیل صحافیوں کو خیبر نیوز کی جانب سے نمایاں مواقع فراہم کیے گئے ہیں۔
معروف نیوز اینکر، رائٹر اور اسسٹنٹ پروفیسر ڈاکٹر بخت زمان یوسفزئی نے ایک گفتگو کے دوران کہا کہ خیبر نیوز نے متعدد نوجوان صحافیوں کو بطور رپورٹر اور اینکر عملی میدان میں آنے کا موقع دیا، جن میں سے کئی اب نہ صرف اسی چینل بلکہ دیگر ٹی وی چینلز پر بھی اپنی صلاحیتوں کا لوہا منوا رہے ہیں۔
انہوں نے مزید کہا کہ خیبر نیوز کے ساتھ ساتھ پاکستان ٹیلی ویژن (پی ٹی وی) بھی بالخصوص پشتون ناظرین تک مستند اور بروقت حالاتِ حاضرہ کی معلومات پہنچانے میں اہم کردار ادا کر رہا ہے، جو قابلِ تحسین ہے۔
ڈاکٹر بخت زمان یوسفزئی کے مطابق میڈیا اداروں کا یہ کردار نوجوان صحافیوں کی پیشہ ورانہ ترقی اور صحافت کے معیار کو بہتر بنانے میں معاون ثابت ہو رہا ہے۔
