وزیراعلیٰ خیبر پختونخوا علی امین گنڈا پور نے وزیراعظم ہاوس میں وزیراعظم شہبازشریف سے ملاقات کی۔ ملاقات میں انہوں نے خیبر پختونخوا کےلیے نئے چیف سیکریٹری کا مطالبہ کیا ہے۔
ذرائع کے مطابق وزیراعلیٰ علی امین گنڈا پور نے ملاقات میں وزیراعظم شہبازشریف سے شہباب علی شاہ کو بطور چیف سیکریٹری خیبر پختونخوا تعینات کرنے کا مطالبہ کیا ۔ وزیراعظم سے ہونے والی ملاقات میں علی امین گنڈا پور نے دوسرے صوبوں کی طرح خیبرپختونخوا کو فنڈز دینے اور صوبے کے واجبات کلیئر کرنے کا مطالبہ کیا ۔
یاد رہے کہ وزیراعلیٰ کے پی کے اور شہبازشریف کے درمیان ہونے والے یہ ملاقات انتہائی اہمیت کی حامل ہے ، علی امین گنڈا پور تحریک انصاف کے سینئر رہنما ہیں جو آزاد اراکین کی حمایت سے وزیراعلیٰ خیبر پختون خواہ منتخب ہوئے ہیں ۔ اس سے قبل وہ شہبازشریف کو وزیراعظم قبول کرنے سے متعدد مقامات پر انکار بھی کر چکے ہیں۔
