خیبر پختونخوا:شدت پسندوں کی سیاسی شخصیات کو دھمکیاں

خیبر پختونخوا میں شدت پسندوں کی جانب سے سیاسی شخصیات کو دھمکیاں دی جاری ہیں

15سیاسی شخصیات کو  خیبر پختونخوا میں شدت پسندوں کی جانب سے دھمکیاں موصول ہوئی ہیں۔سابق رکن قومی اسمبلی محسن داوڑ کو کاونٹر ٹیررازم ڈیپارٹمنٹ کے مطابق شدت پسندوں کی جانب سے دھمکیاں ملی ہیں۔ سینیٹر ہدایت اللہ اور سابق صوبائی وزیر امتیاز قریشی بھی دھمکیاں ملنے والوں کی فہرست میں شامل ہیں۔فہرست میں ن لیگ کے سابق رکن قومی اسمبلی امیرمقام اور پی ٹی آئی کے سابق ایم پی اے پیرمصور شاہ اور شاہ محمد بھی شامل ہیں۔

سی ٹی ڈی کے مطابق جے یو آئی ف کے ملک عدنان وزیر اور احسان اللہ کو بھی دھمکیاںملی ہیں۔ شدت پسندوں نے سینیٹر بختی افسر اور سینیٹر مولانا عبدالرشید کو بھی دھمکیاں دی ہیں۔سیاسی شخصیات کو سی ٹی ڈی کے مطابق ملنے والی دھمکیوں سے متعلق تمام اضلاع کی پولیس کو آگاہ کردیا گیا ہے۔سی ٹی ڈی کے مطابق سیاسی شخصیات کو متعلقہ اضلاع کی پولیس سیکورٹی فراہم کرے گی۔