خیبر پختونخوا صوبائی اسمبلی نے وزرا کی تنخواہوں اور مراعات کا ترمیمی بل 2024 منظور کرلیا۔ نئے بل کے مطابق وزرا کو سرکاری گھر میں تزئین و آرائش کیلئے ایک بار 10 لاکھ روپے دیئے جائیں گے، 10لاکھ روپے میں تزئین و آرائش میں قالین، پردے، ائیر کنڈیشنڈ اور ایک ریفریجریٹر شامل ہوگا۔
علاوہ ازیں سرکار ی گھر نہ ہونے کی صورت میں صوبائی وزیر کو کرائے پر گھر لینے کیلئے ماہانہ 2 لاکھ روپے دئیے جائیں گے جبکہ کرائے کے گھر میں بھی وزرا تزئین و آرائش کیلئے ایک بار 10لاکھ روپے خرچ کرسکیں گے، اسی طرح کوئی وزیر رہائش کیلئے اپنا ذاتی گھر استعمال میں لانے پر 2 لاکھ روپے کرایہ وصول کرسکے گا۔
واضح رہے کہ سرکاری یا کرائے کی رہائشگاہ خالی کرنے پر صوبائی وزیر ترئین و آرائش کی اشیا واپس کرنے کا پابند ہو گا۔
