ذرائع کے مطابق گورنر خیبر پختونخوا نے کہا ہے کہ کے پی کا گورنر ہاؤس کسی سازش کا مرکز نہیں بنے گا۔
انہوں نے 9 مئی کے ملزمان کو ان کے منطقی انجام تک پہنچانے پر بھی زور دیا۔ ذرائع کے مطابق اس پر فیصل کریم کنڈی نے کہا کہ اگر علی امین گنڈا پور کو کوئی مسئلہ ہے تو میں ان سے ملنے کو تیار ہوں۔خیبرپختونخوا کے وزیر اعلیٰ ایسی زبان استعمال کر رہے ہیں جس سے مسئلے کا کوئی حل نہیں نکل سکتا، فیصل کریم کنڈی نے مزید کہا کہ میں نے ہمیشہ ان سے وفاقی حکومت کے پاس جانے اور اس معاملے پر منطق کے ساتھ بات کرنے کی تاکید کی ہے۔
انہوں نے کہا کہ کے پی کا گورنر ہاؤس کسی سازش کا مرکز نہیں بنے گا۔ انہوں نے مزید کہا کہ میں وفاق کے ساتھ مل کر صوبے کا مقدمہ لڑوں گا۔گورنر کنڈی نے کہا کہ "ہم اپنے باہمی تعلقات کو بہتر بنا کر صوبے کو بہتر کرسکتے ہیں۔” انہوں نے مزید کہا کہ بیانات دے کر نااہلی چھپائی نہیں جا سکتی۔ اگر پی ٹی آئی اپنی غلطیوں پر معافی مانگنے اور سیاسی جماعتوں کے ساتھ بیٹھنے کے لیے تیار ہے تو پھر ہم بھی تیار ہیں۔
