Latest Urdu news from Pakistan - Peshawar, Lahore, Islamabad

بھارت میں ہیٹ ویو نے انتخابی اہلکاروں سمیت 74 سے ​​زائد افراد کی جان لے لی

بھارت میں گزشتہ 48 گھنٹوں کے دوران  شدید گرمی اور ہیٹ اسٹروک کی وجہ سے 74افراد ہلاک ہوگئے ہیں۔

بھارتی خبررساں اداروں کی رپورٹس کے مطابق بھارت میں شدید گرمی لہر جاری ہے، بھارتی ریاستیں نئی دلی ، پنجاب ، ہریانہ ، چندی گڑھ، یوپی ، مدھیہ پردیش، بہار ، اڑیسہ، اور جھاڑکھنڈ ہیٹ ویو کا شکار ہیں۔جس کی وجہ سے لوگ زندگی کی بازی ہار رہے ہیں۔بھارتی میڈیا کے مبابق 48گھنٹوں میں ہیٹ اسٹروک کی وجہ سےاموات کی تعداد74 ہوگئی ہے، جبکہ ہیٹ اسٹروک سےہلاک ہونےوالوں میں انتخابی عملےکے25 اہلکار بھی شامل ہیں۔

دوسری طرف آج بھارتی محکمہ موسمیات  نے 10ریاستوں میں ہیٹ ویو کی پیش گوئی کردی ہےجبکہ اس کے برعکس مشرقی بھارت میں موجودہ گرمی کی لہر مزید 2 دن تک جاری رہے گئی۔ اس کے ساتھ ہی بھارتی  دارالحکومت دہلی میں اس ہفتے ملک کا اب تک کا سب سے زیادہ درجہ حرارت 52.9 ڈگری سینٹی گریڈ تک ریکارڈ کیا گیا ہے،تاہم اس کے برعکس آنے والے دنوں میں شمال مغربی اور  وسطی بھارت میں درجہ حرارت میں کمی متوقع ہے

 

جواب چھوڑیں

آپ کا ای میل ایڈریس شائع نہیں کیا جائے گا.