پشاور (خصوصی رپورٹر) خیبر ٹیلی ویژن نیٹ ورک اپنے تینوں چینلز خیبر، خیبر نیوز اور کے ٹو ٹی وی پر رمضان المبارک کے موقع پر خصوصی نشریات جاری رکھے ہوئے ہے۔
پشاور سے مینہ شمس، جمشید علی خان اور زکی الرحمان میزبانی کے فرائض انجام دے رہے ہیں، جبکہ اسلام آباد سے کےٹو پر مشی خان، عارف قاضی محمود، رداعمران، عماد اور احمد شیر کی پرفارمنس لاکھوں ناظرین دیکھ رہے ہیں۔
ماہ صیام کے اسپیشل شوز میں معروف اسلامی اسکالرز، جید علما کرام اور مختلف شعبوں سے وابستہ خواتین و حضرات کے ساتھ نوجوان رول ماڈلز کو بھی مدعو کیا جاتا ہے۔ تمام شوز کو ملٹی نیشنل کمپنیوں نے اسپانسر کیا ہے۔
لبیک یار رمضان اور رمضان شادمان کی اسپیشل نشریات میں ایمان افروز معلومات قرآن و سنت کی روشنی میں اردو، پشتو اور ہندکو میں ناظرین تک پہنچائی جاتی ہیں۔ یہ نشریات نہ صرف پاکستان بلکہ متحدہ عرب امارات، سعودی عرب، قطر، عمان اور یورپ میں مقیم پاکستانیوں میں بھی باقاعدگی سے دیکھی جا رہی ہیں۔
