پاکستان اور جنوبی افریقہ کے درمیان پہلے ٹیسٹ کے تیسرے روز کا کھیل ختم ہوگیا،مہمان ٹیم نے پاکستان کے 277 رنز ہدف کے تعاقب میں 2 وکٹوں پر 51 رنز بنالیے، جنوبی افریقہ کو میچ جیتنے کیلئے مزید 226 رنز اور پاکستان کو 8 وکٹوں کی ضرورت ہے، جبکہ چوتھے اور پانچویں روز کا کھیل باقی ہے ۔
لاہور: پاکستان اور جنوبی افریقہ کے درمیان جاری پہلے ٹیسٹ میچ کے تیسرے روز پاکستان کی ٹیم دوسری اننگز میں 167 رنز بناکر آوٹ ہوئی اور یوں جنوبی افریقہ کو جیت کیلئے 277 رنز کا ہدف ملا ۔
مقررہ ہدف کے تعاقب میں تیسرے روز کا کھیل ختم ہونے تک جنوبی افریقہ کی ٹیم نے 2 وکٹوں کے نقصان پر 51 رنز بنالیے اور اسے میچ جیتنے کیلئے مزید 226 رنز درکار ہیں جبکہ قومی ٹیم کو 8 وکٹوں کی ضرورت ہے ۔
اس سے قبل قومی ٹیم 167 رنز پر آوٹ ہوئی ، جس میں سب سے زیادہ بابراعظم 42 عبداللہ شفیق 41 اور سعود شکیل 38 رنز بنا سکے ،محمد رضوان 14، سلمان آغا 4، نعمان علی 11، امام الحق اور شاہین آفریدی بغیر کوئی رن بنائے آوٹ ہوئے ۔
جنوبی افریقہ کی جانب سے متھوسامی نے 5 جبکہ سمن ہارمر نے 4 کھلاڑیوں کو آوٹ کیا ۔
جنوبی افریقہ کی پوری ٹیم اپنی اننگز میں 269 رنز بناکر آوٹ ہو گئی،جس کے بعد پاکستان کو پہلی اننگز میں 109 رنز کی برتری حاصل ہو گئی ۔
ٹونی ڈی زورزی 104 کی سنچری کے باجود جنوبی افریقی ٹیم گزشتہ روز کے سکور میں بڑا اضافہ کرنے میں ناکام رہی اور 269 رنز پر آل آؤٹ ہوگئی، رائن ریکلٹن 71 رنز بناکر دوسرے نمایاں بلے باز رہے ۔
پاکستان کی جانب سے نعمان علی نے شاندار بولنگ کرتے ہوئے 6 وکٹیں حاصل کیں، ساجد خان نے 3 اور سلمان علی آغا نے ایک وکٹ حاصل کی ۔
پاکستان کو پہلی اننگز میں جنوبی افریقہ پر 109 رنز کی برتری حاصل ہوگئی،اس سے قبل پاکستان نے پہلی اننگز میں 378 رنز بنائے تھے، امام الحق اور سلمان آغا 93، 93 جبکہ کپتان شان مسعود 76 اور محمد رضوان 75 رنز بناکر نمایاں رہے تھے ۔
