لندن: لارڈ قربان حسین کا ہاس آف لارڈز میں پاکستان کے امن کردار کو خراجِ تحسین۔
لارڈ قربان حسین نے کہا کہ پاکستان کی سفارتکاری سے امریکہ ایران جنگ بندی ممکن ہوئی، ہم پاکستان کے شکر گزار ہیں۔
لارڈ قربان حسین نے برطانوی پارلیمنٹ میں بیان دیتے ہوئے کہا کہ اقوامِ متحدہ عالمی تنازعات روکنے میں غیر مؤثر ثابت ہوئی۔
کشمیر تنازع 1948 سے سلامتی کونسل کے ایجنڈے پر موجود ہے۔ کشمیر پر اقوامِ متحدہ کی قراردادوں پر آج تک عملدرآمد نہ ہو سکا۔
انہوں نے مطالبہ کیا کہ مقبوضہ کشمیر میں انسانی حقوق کی خلاف ورزیوں پر عالمی برادری کردار ادا کرے۔
لارڈ قربان حسین نے کہا کہ کشمیر پر بھارت اور پاکستان تین بڑی جنگیں لڑ چکے ہیں۔ لائن آف کنٹرول پر ایک غلط اندازہ خطے کو بڑی تباہی کی طرف لے جا سکتا ہے۔
برطانیہ مسئلہ کشمیر کے حل کیلئے اہم کردار ادا کر سکتا ہے۔
انہوں نے کہا کہ جنوبی ایشیا میں پائیدار امن عالمی سلامتی کیلئے ناگزیر ہے۔
لارڈ قربان حسین نے مطالبہ کیا کہ کشمیری عوام کی خواہشات کے مطابق مسئلہ کشمیر کا پرامن حل ہونا چاہیے۔
