لوئر دیر میں خال کے علاقے حیدرے ٹاپ پر پولیس اور دہشت گردوں کے درمیان جھڑپ میں 2 اہلکار شہید جبکہ 16 زخمی ہوگئے، مقامی ذرائع نے بتایا کہ دہشت گردوں نے جھڑپ کے دوران پولیس کی تین موبائل گاڑیوں کو بھی نذر آتش کر دیا ۔
لوئر دیر: ذرائع نے بتایا کہ ادینزی اور خال کی سرحد پر واقع حیدرے ٹاپ میں پولیس اور دہشت گردوں کے درمیان شدید جھڑپ ہوئی جس میں 2 پولیس اہلکار شہید جبکہ 16 اہلکار زخمی ہوگئے، مقامی ذرائع نے بتایا کہ دہشت گردوں نے جھڑپ کے دوران پولیس کی تین موبائل گاڑیوں کو بھی نذر آتش کر دیا ۔
قانون نافذ کرنے والے ادارے حیدرے ٹاپ اور لڑم کے پہاڑی علاقوں میں دہشت گردوں کی موجودگی کی اطلاعات پر سرچ اینڈ سٹرائیک آپریشن کر رہے تھے کہ اس دوران دہشت گردوں نے اچانک پولیس اور سکیورٹی اہلکاروں پر حملہ کر دیا ۔
سیکیورٹی اہلکاروں اور دہشتگردوں کے درمیان فائرنگ کا تبادلہ کئی گھنٹوں تک جاری رہا، زخمیوں کو فوری طور پر ڈسٹرکٹ ہیڈکوارٹر ہسپتال تیمرگرہ منتقل کردیا گیا ۔
زخمیوں میں بخت بیدار، امیر محمد، ریحان اللہ، نصیب خان، مفتاح الدین، عزت اللہ، محبوب علی، اے ایس آئی آصف خان، شہاب خان، رازی محمد، حبیب الحسن، جواد اللہ، نواب، لقمان بہادر اور محمد ندیم سمیت دیگر اہلکار شامل ہیں ۔
