9 مئی کو جناح ہاوس پر حملے دوران سپریم کورٹ کے جج کے سکواڈ میں شامل گاڑی جلانے کے کیس میں انسداد دہشت گردی عدالت نے یاسمین راشد سمیت پی ٹی آئی کے 4 دیگر سینئر رہنماؤں کو 10۔10 سال اور ایک خاتون رہنما کو 5 سال قید کی سزا سنادی جبکہ شاہ محمود قریشی کو اس کیس میں بھی بری کردیا گیا ۔
لاہور: انسداد دہشت گردی عدالت کے جج منظر علی گل نے 9 مئی احتجاج کے دوران اعلیٰ عدلیہ کے جج کے اسکواڈ کی گاڑی جلانے کے مقدمہ کا فیصلہ سنا دیا ۔
عدالت نے شاہ محمود قریشی کو موجودگی ثابت نہ ہونے پر بری کر دیا ہے جبکہ سابق صوبائی وزیر صحت یاسمین راشد، اعجاز چوہدری، میاں محمود الرشید اور سابق گورنر پنجاب عمر سرفراز چیمہ کو 10،10 سال قید کی سزا سنا دی ۔
انسداد دہشت گردی عدالت نے خدیجہ شاہ کو بھی 5 سال قید کی سزا سنا دی ہے جبکہ روبینہ جمیل اور افشاں طارق کو بری کر دیا ہے ۔
