پاکستان کرکٹ ٹیم کے سابق کپتان مصباح الحق قومی کرکٹ ٹیم کی سلیکشن کمیٹی کی رکنیت سے مستعفی ہوگئے، ذرائع کے مطابق مصباح الحق پی سی بی کے رویے پر سخت نالاں تھے ۔
لاہور: ذرائع کے مطابق انگلینڈ کے خلاف جاری ٹیسٹ سیریز کے دوران کھلاڑیوں کو واپس طلب کرنے اور نئے کھلاڑیوں کو شامل کیے جانے کے معاملے پر مصباح الحق نے سلیکشن کمیٹی کے رکن کی حیثیت سے استعفیٰ دے دیا ۔
ذرائع کا کہنا ہے کہ پی سی بی نے چھ کھلاڑیوں کو سلیکشن کمیٹی سے مشاورت کے بغیر انگلینڈ بھیجا، جس پر مصباح الحق بورڈ کے رویے سے سخت نالاں تھے ۔
مصباح الحق کے سلیکشن کمیٹی سے مستعفی ہونے کی وجوہات میں پی سی بی کی جانب سےکھلاڑیوں کے انتخاب کے معاملے پر مشاورت نہ کرنا بھی شامل ہے ۔
