اسلام آباد: وفاقی وزیر داخلہ محسن نقوی نے مستونگ کے علاقے میں بھارتی سپانسرڈ دہشت گردوں کے خلاف کامیاب آپریشن پر سکیورٹی فورسز کو خراجِ تحسین پیش کیا ہے۔
انہوں نے آپریشن کے دوران 4 دہشت گردوں کو ہلاک کرنے پر سکیورٹی فورسز کی پیشہ ورانہ صلاحیتوں کو سراہتے ہوئے کہا کہ فورسز نے بروقت کارروائی کرکے دہشت گردوں کے مذموم عزائم کو ناکام بنایا۔
وفاقی وزیر داخلہ نے کہا کہ دہشت گردی کے خلاف پورا ملک اپنی بہادر سکیورٹی فورسز کے ساتھ کھڑا ہے۔
انہوں نے کہا کہ سکیورٹی فورسز بلوچستان میں دہشت گردوں کے خلاف بھرپور اور مؤثر کارروائیاں کر رہی ہیں۔
محسن نقوی نے کہا کہ فتنہ الہندوستان اور فتنہ الخوارج کا ناپاک گٹھ جوڑ وطنِ عزیز کا امن تباہ نہیں کر سکتا۔
