پشاور یونیورسٹی میں بیشتر شعبوں کے سربراہان سبکدوش ہو گئے ۔ تفصیلات کے مطابق 19ڈیپارٹمنٹس اور انسٹی ٹیوٹس کے سربراہان عہدوں سے سبکدوش ہوئے ہیں۔
اس ضمن میں وائس چانسلر کی جانب سے بڑے پیمانے پر تبادلوں کا اعلامیہ جاری کردیا گیا ہے جس کے مطابق جامعہ پشاور کے سینئر فیکلٹی ممبران کو عارضی ذمہ داریاں تفویض کردی گئیں۔ ڈاکٹر مہناز گل کو جرنلزم ڈیپارٹمنٹ کی چیئرپرسن مقرر کیا گیا،ڈاکٹر سردار خان انوائرنمنٹل سائنسز اور ڈاکٹر روح اللہ پشتو ڈیپارٹمنٹ کے عارضی چیئرمین نامزد کئے گئے جبکہ اکنامکس ڈیپارٹمنٹ کے ڈاکٹر سجاد احمد خان کو نئی ذمہ داری ملی اور انسٹی ٹیوٹ آف کیمیکل سائنسز کے سربراہ ڈاکٹر رسول خان کو مقرر کیا گیا ہے۔ واضح رہے کہ پشاور یونیورسٹی کے سینڈیکیٹ اجلاس میں مستقل تعیناتیوں کی منظوری ہوگی۔
