اسلام آباد: وفاقی وزیر خزانہ سینیٹر محمد اورنگزیب کی ورلڈ بینک کے وفد سے ملاقات ہوئی۔
ملاقات میں جاری معاشی اصلاحاتی شراکت داری، اصلاحات پر عملدرآمد اور ترجیحات کا جائزہ لیا گیا۔
ملاقات میں معاشی ترقی، روزگار، مالیاتی انتظام سمیت مختلف شعبوں پر تبادلہ خیال کیا گیا۔
وزیر خزانہ نے کہا کہ اصلاحات کے ڈیزائن سے مؤثر عملدرآمد کی جانب منتقلی ضروری ہے۔
عملی اقدامات سے معاشی سرگرمی، سرمایہ کاری، روزگار اور کاروباری ماحول میں قابلِ پیمائش بہتری لائی جائے۔
وزیر خزانہ نے کہا کہ مالیاتی و قرضوں کا پائیدار انتظام، مضبوط بیرونی مالیاتی بفرز، شفافیت اور ساختی اصلاحات سے پاکستان کے ساورن کریڈٹ پروفائل میں مزید بہتری لانے کی کوشش جاری رہے گی۔
