پاکستان قومی ویمنز پلیئرز کرکٹ چیمپئن شپ کےدوران آپس میں لڑ پڑیں اور دو کھلاڑیوں نے مل کر اپنی ساتھی کھلاڑی کی خوب پٹائی کردی
قومی کرکٹ چیمپئن شپ کے دوران، قومی ویمنز ٹیم کی کچھ کھلاڑیوں کے درمیان تنازعات پیش آئے، جس کی بنا پر دو کھلاڑیوں نے ہوٹل میں تیسری کھلاڑی کی پٹائی کردی۔دونوں خواتین کھلاڑیوں نے تیسری کرکٹر کو اتنا مارا کہ اس کے ناک سے خون آگیا،اور اس کی ناک کو شیدید زخمی کر دیا۔مار کھانے والی کرکٹر نے تاہم، دو میچز تک خاموشی اختیار کئے رکھی۔
بعدازاں، معاملہ برداشت سے باہر ہونے کے بعد مذکورہ کرکٹر نے انتظامیہ کو شکایت کر دی، جس کے بعد بورڈ انتظامیہ نے تینوں کھلاڑیوں پر ایک، ایک میچ کی پابندی عائد کردی۔عائشہ،یسری اور صدف پابندی کے باعث جمعہ کا میچ نہ کھیل سکیں۔دوسری طرف، بورڈ حکام نے اظہار کیا کہ ویمنز کرکٹ چیئرپرسن معاملے کی تحقیقات کرنے کے لئے خود راولپنڈی پہنچیں گی۔یاد رہے کہ راولپنڈی میں پاکستان ویمنز کرکٹ چیمپئن شپ کھیلی جا رہی ہے
