شمالی وزیرستان کے مشران و عمائدین نے علاقہ بھر میں امن کے قیام اور دہشتگردوں کے خاتمے کیلئے پاک فوج کا ساتھ دینے کا اعلان کرتے ہوئے پاک فوج کو ہر قسم کی مکمل حمایت کی یقین دہانی کی ہے ۔
شمالی وزیرستان : میران شاہ میں میں پاک فوج کے تعاون سے اہم قبائلی جرگہ ہوا جس میں قبائلی مشران اور عمائدین نے بڑی تعداد شرکت کی ۔
جنرل آفیسر کمانڈنگ میجر جنرل عادل افتخار وڑائچ بطور مہمان خصوصی جرگہ میں شریک ہوئے، انہوں نےقبائلی عوام کی قربانیوں خراج تحسین پیش کرتے ہوئے کہا کہ علاقے میں مکمل امن کیلئے قبائلی مشران کاکردار کلیدی ہے ۔
شرکا نے سکیورٹی فورسز اور شہداء کی قربانیوں کو خراج تحسین پیش کرتے ہوئے فتنہ الخوارج اور شر پسند عناصر کے خلاف پاک فوج کی زیرو ٹالرنس پالیسی کی مکمل حمایت کا اعلان کیا اور اس سلسلے میں حکام کے ساتھ مکمل تعاون کی یقین دہانی کرائی ۔
قبائلی مشران و عمائدین نے علاقے میں تعلیم، صحت اور خصوصاً بچیوں کی تعلیم کے لیے کی جانے والی کوششوں پر پاک فوج کا شکریہ ادا کیا اور یقین دلایا کہ وہ ان مثبت اقدامات کو کامیاب بنانے میں اپنا بھرپور کردار ادا کریں گے ۔
