سکیورٹی فورسز نے بلوچستان میں 2 مختلف کارروائیاں کی ہیں جن میں بھارتی پراکسی تنظیم فتنہ الہندوستان کے 5 دہشت گرد ہلاک ہوگئے،آئی ایس پی آر کے مطابق کارروائیاں لورالائی اور کیچ میں کی گئی ہیں ۔
آئی ایس پی آر کی جانب سے جاری بیان کے مطابق سکیورٹی فورسز نے 28 مئی پہلی کارروائی ضلع لورالائی میں فتنہ الہندوستان کے دہشت گردوں کی موجودگی کی خفیہ اطلاع پر کی۔
آپریشن کے دوران سکیورٹی فورسز نے دہشت گردوں کے ٹھکانے کو مؤثر طریقے سے نشانہ بنایا، شدید فائرنگ کے تبادلےکے بعد بھارتی سرپرستی میں کام کرنے والے 4 دہشت گرد مارےگئے، دہشت گردوں کےقبضےسےاسلحہ،گولہ بارود اور دھماکا خیز مواد برآمد ہوا ۔
سکیورٹی فورسز نے دوسری کارروائی ضلع کیچ میں کی جہاں ایک دہشت گرد مارا گیا، کارروائویں میں ہلاک پانچوں دہشتگرد کے قبضے سے اسلحہ اور گولہ بارود برآمد ہوا ۔
آئی ایس پی آر کا کہنا ہےکہ ہلاک دہشت گرد 26 اگست 2024 اور 18 فروری 2025 کو این 70 پر راراشام کے قریب حملے شامل تھے، ان حملوں میں 30 معصوم شہری شہید ہوئے تھے۔ بھارتی سرپرستی میں سرگرم یہ دہشت گرد قانون نافذ کرنے والے اداروں کو انتہائی مطلوب تھے اور سکیورٹی فورسز ان دہشت گردوں کا مسلسل تعاقب کر رہی تھیں ۔
آئی ایس پی آر کا کہنا ہےکہ سکیورٹی فورسز ملک سے بھارتی سرپرستی میں ہونے والی دہشت گردی کے خاتمےکے لیے پرعزم ہیں۔ دہشت گردی میں ملوث عناصر اور ان کے سہولت کاروں کو انصاف کے کٹہرے میں لایا جائےگا ۔
