پاکستان نے آسٹریلیا کو تیسرے ون ڈے میں 4 وکٹ سے شکست دے کر تین میچز کی سیریز دو ایک سے انے نام کرلی، آسٹریلیا کا 158 رنز کا ہدف قومی ٹیم نے 6 وکٹ کے نقصان پر پورا کرکے کامیابی حاصل کی ۔
لاہور میں کھیلے گئے تیسرے اور فیصلہ ون ڈے میچ میں پاکستانی بولروں نے شاندار بولنگ کر کے آسٹریلوی ٹیم کو 157 رنز پر پویلین بھیج دیا ۔
آسٹریلیا نے تیسرے اور آخری میچ میں پہلے بیٹنگ کرتے ہوئے پاکستان کو جیت کیلئے 158 رنز کا ہدف دیا تھا، آسٹریلوی ٹیم کےکپتان جوش انگلس نے 65 رنز کی اننگز کھیلی، مارنوس لبوشین اور ایلکس کیری نے 19، 19 رنز بنائے ۔
پاکستان کی جانب سے کپتان شاہین شاہ آفریدی نے 3، ابرار احمد اور شاداب خان نے 2،2 کھلاڑیوں کو پویلین کی راہ دکھائی، جبکہ ایک کھلاڑی کو حارث رؤف نے آؤٹ کیا ۔
قومی ٹیم نے مقررہ ہدف 42 ویں اوور میں 6 وکٹوں کے نقصان پر پورا کیا ، سب سے زیادہ بابر اعظم نے 40 رنز کی محتاط اننگز کھیلی، معاذ صداقت نے 27 رنز بنائے، آخر میں عبدالصمد اور شاداب خان نے ساتویں وکٹ کے لیے 49 رنز کی شراکت بنا کر میچ جتوا دیا ۔
شاندار بولنگ پر قومی ٹیم کے کپتان شاہین شاہ آفریدی میچ اور آل راونڈ کارکردگی پر عرفات منہاس سیریز کے بہترین کھلاڑی قرار پائے ۔
یاد رہےکہ تین ایک روزہ میچوں کی سیریز کے پہلے میچ میں پاکستان نے آسٹریلیا کو 5 وکٹ سے شکست دی تھی جبکہ دوسرے میچ میں آسٹریلیا نے پاکستان کو 42 رنز سے شکست دیکر میچ اپنے نام کیا تھا ۔
