اسلام آباد: پاکستان میں سرمایہ کاری اور معاشی سرگرمیوں میں مثبت پیش رفت جاری ہے۔
مشیر وزیر خزانہ خرم شہزاد کے مطابق پاکستان میں براہِ راست غیر ملکی سرمایہ کاری اگست میں 316 ملین ڈالر تک پہنچ گئی۔
خرم شہزاد نے کہا کہ براہِ راست غیر ملکی سرمایہ کاری کے یہ اشاریے سال کی بلند ترین ماہانہ سطح کو ظاہر کرتے ہیں۔
چین، کینیڈا اور متحدہ عرب امارات نے براہِ راست غیر ملکی سرمایہ کاری میں اہم کردار ادا کیا۔
انہوں نے کہا کہ منافع کی واپسی میں کمی کے باعث بھی براہِ راست غیر ملکی سرمایہ کاری میں بہتری آئی۔
غیر ملکی سرمایہ کاری میں اضافہ پاکستان میں سرمایہ کاری کے بڑھتے رجحان اور معاشی سرگرمیوں میں بہتری کی عکاسی ہے۔
