اسلام آباد: وزیراعظم کے کفایت شعاری اقدامات کے تحت پاکستان ریلوے میں تمام متعلقہ ہدایات پر عمل درآمد شروع کر دیا گیا ہے۔
وزیر ریلوے محمد حنیف عباسی نے 31 دسمبر 2026 تک پاکستان ریلوے میں ہاؤس بلڈنگ ایڈوانس (HBA) قرضوں کا اجرا معطل کرنے کا فیصلہ کیا ہے۔
اس عرصے کے دوران کسی افسر یا ملازم کو ہاؤس بلڈنگ ایڈوانس جاری نہیں کیا جائے گا۔
وزیر ریلوے محمد حنیف عباسی نے اپنے سمیت ریلوے کے تمام افسران و ملازمین کے بیرونِ ملک سرکاری دوروں پر پابندی کا بھی فیصلہ کیا ہے۔
وزیر ریلوے نے پاکستان ریلوے میں وزیراعظم کے کفایت شعاری اقدامات کا فوری طور پر اطلاق کرنے کا حکم دیا ہے۔
تمام افسران کے سرکاری فیول میں 50 فیصد کمی کر دی گئی ہے.
وزیر ریلوے کے فیول میں بھی 50 فیصد کمی کی گئی ہے۔
وزیر ریلوے محمد حنیف عباسی نے غیر ضروری اخراجات میں کمی اور مالی نظم و ضبط یقینی بنانے کے لیے اہم اقدامات کیے ہیں۔
انہوں نے کہا کہ پاکستان ریلوے میں دستیاب وسائل کے مؤثر استعمال اور غیر ضروری اخراجات کی روک تھام کے لیے کفایت شعاری اقدامات پر سختی سے عمل درآمد کیا جائے گا۔
