کراچی: بیرون ملک مقیم پاکستانیوں نے مالی سال 26-2025 میں 41 ارب 58 کروڑ ڈالر کی ترسیلات وطن بھیجیں۔
سٹیٹ بینک آف پاکستان کے مطابق جون کی ترسیلات مئی میں بھیجے گئے ریکارڈ سوا 4 ارب ڈالر سے 77کروڑ ڈالر کم رہیں تاہم 26-2025 کی ورکرز ترسیلات مالی سال 25-2024 کے مقابلے میں ساڑھے 8 فیصد زائد ہیں۔
گزشتہ مالی سال میں ورکرز ترسیلات کی ماہانہ اوسط 3 ارب 46کروڑ ڈالر رہیں.
سعودی عرب سے پونے 10ارب ڈالر، عرب امارات سے 8 ارب 80 کروڑ ڈالر، برطانیہ سے 6 ارب 32کروڑ ڈالر، یورپی یونین سے 5 ارب 22کروڑ ڈالر، دیگر گلف ممالک سے 3 ارب 93 کروڑ ڈالر اور امریکا سے 3 ارب 62 کروڑ ڈالر کی ورکرز ترسیلات پاکستان بھیجی گئیں۔
اس موقع پر وزیر اعظم شہباز شریف نے گزشتہ سال کے مقابلے زیادہ ترسیلات زر بھیجنے پر اوورسیز پاکستانیوں کاشکریہ ادا کرتے ہوئے کہا کہ محب وطن سمندرپارپاکستانیوں نے 41.6 ارب ڈالر کی ترسیلات زر بھیجیں جن پر ان کے مشکور ہیں۔
