Latest Urdu news from Pakistan - Peshawar, Lahore, Islamabad

ایرانی فضائی حدود کا پاکستانی ائیر لائنز نے استعمال شروع کر دیا

پاک ایران کشیدگی ختم۔دونوں ممالک کے تعلقات میں بہتری آنے لگی۔ایرانی فضائی حدود کا پاکستانی ائیر لائنز نے استعمال شروع کر دیا

گزشتہ 24گھنٹے کے دوران متعدد پاکستانی پروازوں نے ماضی کی طرح ایران کی فضائی حدود استعمال کی۔ایوی ایشن ذرائع کے مطابق گزشتہ روز ٹورنٹو سے کراچی کی پی آئی اے کی پرواز نے تہران سے ہوتے ہوئے 2 گھنٹے تک 37000فٹ کی بلندی سے ایران کی فضائی حدود میں سفر کیا۔ اسلام آباد سے دمام کی پرواز بھی ایران کی فضائی حدود سے گزر کر منزل تک پہنچی جب کہ دبئی اسلام آباد کی پرواز پی کے 112نے بھی ایران کا فضائی راستہ استعمال کیا۔

سعودی عرب کے شہر الحوف سے اسلام آباد کی خصوصی پرواز بھی ایران سے ہوتے ہوئے منزل تک آئی۔کراچی سے استنبول کی پرواز بھی تہران سے گزر کر گئی۔ تاہم پاکستان کی بیشتر پروازیں سرکاری ہدایات کی روشنی میں گلف آف عمان کا فضائی راستہ اختیار کررہی ہیں۔یادرہے کہ گزشتہ روز پاکستان اور ایران کے درمیان کشیدہ صورتحال میں بہتری آنے کے بعد دونوں ممالک کے سفیروں کو 26جنوری سے اپنی ذمہ داریاں سنبھالنے کے احکامات دیے گئے ہیں۔دفتر خارجہ کے ترجمان کے مطابق نگران وزیر خارجہ جلیل عباس جیلانی کی دعوت پر ایرانی وزیر خارجہ حسین امیرعبداللہیان 29جنوری کو پاکستان کا دورہ کریں گے۔

جواب چھوڑیں

آپ کا ای میل ایڈریس شائع نہیں کیا جائے گا.