ٹی ٹوئنٹی ورلڈ کپ میں پاکستان نے شاندار آغاز کیا، میگا ایونٹ کے پہلے میچ میں سنسنی خیز مقابلے کے بعد قومی ٹیم نے نیدرلینڈز کو تین وکٹوں سے شکست دیدی، قومی ٹیم نے 148 رنز کا ہدف آخری اوور میں 7 وکٹوں کے نقصان پر حاصل کر لیا، فہیم اشرف نے جارحانہ بیٹنگ کرتے ہوئے میچ میں کلیدی کردار ادا کیا، فہیم اشرف کو مین آف دی میچ کا ایوارڈ دیا گیا ۔
سری لنکا کے کولمبو کرکٹ سٹیڈیم میں کھیلے گئے ٹی ٹوینٹی ورلڈ کپ کے پہلے میچ میں پاکستان نے ٹاس جیت کر پہلے فیلڈنگ کا فیصلہ کیا ۔
نیدرلینڈز کی ٹیم آخری اوور میں 147 رنز پر ڈھیر ہوگئی، سکاٹ ایڈورڈز نے سب سے زیادہ 37 اور بیس ڈی لیڈے نے 30 رنز بنائے ۔
پاکستان کی جانب سے سلمان مرزا نے 3، محمد نواز، صائم ایوب اور ابرار احمد نے 2،2 اور شاہین شاہ آفریدی نے ایک وکٹ حاصل کی ۔
مقررہ ہدف کے تعاقب میں قومی ٹیم کے اوپنرز نے عمدہ بیٹنگ کی لیکن پھر وقفے وقفے سے ٹیم کی وکٹیں گرتی رہیں جس سے پاکستان پر دباؤ بڑھ گیا ۔
فہیم اشرف نے جارحانہ اور ذمہ دارانہ بیٹنگ کی اور رنز بنا کر ناٹ آؤٹ رہ کر ٹیم کو فائدہ پہنچانے میں اہم کردار ادا کیا۔
صاحبزادہ فرحان نے 47، صائم ایوب 24، بابر اعظم نے 15 ، سلمان آغا ، شاداب خان نے 8، محمد نواز نے 6 اور عثمان خان صفر پر آووٹ ہوئے ۔
فہیم اشرف کو شاندار اور جارحانہ بلے بازی پر میچ کا بہترین کھلاڑی قرار دیا گیا، میگا ایونٹ میں پاکستان کا دوسرا میچ 10 فروری کو کولمبو اسٹیڈیم میں امریکا کے خلاف کھیلا جائے گا ۔
