عید الاضحیٰ کے موقع پر پشاور میں ایک شہری نے قربانی کے لیے سلطان نامی تگڑا بیل گھر میں پالا ہوا ہے۔
اس سلطان نامی بیل کو خریدنے کے لیے 27 لاکھ روپے تک کی پیش کش بھی کی گئی ہے، تاہم بیل کے مالک نے کہا ہے کہ وہ اسے فروخت نہیں کریں گا بلکہ سنتِ ابراہیمی کے تحت خود ہی اس کو اللہ کی راہ میں قربان کرے گا۔مالک اس بیل کے کھانے پینے کا بھی خوب خیال رکھتا ہے، سلطان نامی بیل صبح کو دودھ پیتا ہے جبکہ دوپہر میں چوکر اور دیگر چارا کھاتا ہے۔اس کے علاوہ بیل رات کے کھانے میں چنا، مکئی سمیت مختلف چیزیں کھاتا ہے۔ اس تگڑے بیل سلطان کو دیکھنے کیلئے لوگوں کا رش بھی لگا رہتا ہے۔
