ایس ایچ او تھانہ رحمان بابا یوسف شاہ کی کاروائی، اسلحہ نمائش کرنے والا گرفتار

پولیس کے مطابق افسرانِ بالا کی خصوصی ہدایات پر جرائم پیشہ عناصر، اسلحے کی نمائش اور ہوائی فائرنگ میں ملوث افراد کے خلاف کارروائیاں تسلسل کے ساتھ جاری ہیں۔ اسی سلسلے میں ڈی ایس پی رحمان بابا سرکل محمد علی خان کی نگرانی میں ایس ایچ او تھانہ رحمان بابا یوسف شاہ نے پولیس نفری کے ہمراہ قمر دین گڑھی میں کارروائی کرتے ہوئے ملزم اسماعیل ولد جمیل کو گرفتار کیا۔
پولیس کا کہنا ہے کہ ملزم سوشل میڈیا پر اسلحے کی نمائش کر رہا تھا۔ کارروائی کے دوران اس کے قبضے سے ایک پستول بھی برآمد کر لیا گیا۔
پولیس نے ملزم کے خلاف مقدمہ درج کرکے مزید تفتیش شروع کر دی ہے۔