خیبرپختونخوا حکومت نے دوبارہ سوشل میڈیا انفلوئنسرز پروجیکٹ کا جائزہ لینے کا فیصلہ کرلیا
مشیر اطلاعات خیبرپختونخوا بیرسٹرسیف کے مطابق سوشل میڈیا انفلوئنسرز پروجیکٹ کا صوبائی حکومت نے دوبارہ جائزہ لینے اور گذشتہ دورمیں بھرتی سوشل میڈیا انفلوئنسرز کو بقایات کی ادائیگی کا فیصلہ کرلیا ہے۔بیرسٹرسیف کے مطابق سوشل میڈیا انفلوئنسرز پراجیکٹ کا ازسرنوجائزہ لےرہےہیں،دیگرشعبوں میں تربیت یافتہ سوشل میڈیا انفلوئنسرز کو ایڈجسٹ کریں گے۔مزید مشیر اطلاعات خیبرپختونخوا کا کہنا تھا کہ تحریک انصاف کے سابق صوبائی حکومت نے حکومت اور عوام کے رابطے فعال رکھنے کیلئے سوشل میڈیا انفلوئنسرز کو بھرتی کیا تھا،1100سوشل میڈیا انفلوئنسرز حکومت نے تشہیر کیلئےبھرتی کیے تھے تاہم غیرقانونی طریقے سے نگران حکومت نےمنصوبے کو ختم کیا تھا۔
