کل سے پنڈی سٹیڈیم پی ایس ایل میچز کی میزبانی کرے گا

راولپنڈی مین پی ایس ایل کا میلہ سجنے میںایک دن باقی ۔تیاریاں شروع کردی گئیں ۔ پنڈی سٹیڈیم کل سے پی ایس ایل میچز کی سے میزبانی کرے گا

پنڈی کرکٹ اسٹیڈیم میں پاکستان سپر لیگ سیزن 9کے میچز کے حوالے سے تیاریاں شروع کردی گئیں۔پنڈی کرکٹ اسٹیڈیم میں پی ایس ایل کے 9میچز کھیلے جائیں گے جس کے لیے 5پچز استعمال کی جائیں گی اور ساڑھے دس ہزار کرسیوں کو چار انکلوژرز میں لگایا جائے گا۔پنڈی کرکٹ اسٹیڈیم میں صفائی ستھرائی کا کام بھی شروع کردیا گیا ہے۔اسٹیڈیم میں تماشائیوں کا داخلہ علامہ اقبال پارک سے ہوگا۔علامہ اقبال پارک کو اسٹیڈیم کی سائیڈ سے ٹینٹ لگا کر کوور کردیا گیا ہے۔

یاد رہے کہ راولپنڈی میں 2 سے10مارچ تک پاکستان سپر لیگ کے میچز کھیلے جائیں گے۔پنڈی کرکٹ اسٹیڈیم میں ہفتے کو ڈبل ہیڈرز سے پاکستان سپر لیگ میچوں کا آغاز ہوگا۔ دوپہر دوبجے لاہور قلندرز اورپشاور زلمی جبکہ شام سات بجے اسلام آباد یونائیٹڈ اور کوئٹہ گلیڈی ایٹرز مدمقابل ہونگے ۔ اس حوالے سے ضلعی انتظامیہ نے ابھی سے سخت اقدامات کرنے کی ٹھان لی ہے۔سیکورٹی کے انتہائی سخت انتظامات کئے جائیںگے۔