راولپنڈی کرکٹ سٹیڈیم میں پریس کانفرنس کرتے ہوئے جیسن گلیسپی نے کہاکہ راولپنڈی ٹیسٹ کے لیے پچ بہت ڈرائی ہے،گھاس موجود نہیں اس لیے پچ دلچسپ ہوگی اور دونوں ٹیمیں ٹاس جیتنے کی خواہشمند ہوں گی۔
قومی ٹیم کے ریڈ بال کے ہیڈ کوچ نے کہا کہ راولپنڈی ٹیسٹ کے لیے تیاری بہت اچھی کی ہے، ملتان ٹیسٹ اچھا کھیلا، یہ ٹیسٹ دونوں ٹیموں کے لیے چیلنجنگ تھا،
انہوں نے کہا کہ ملتان میں سپنرزکے لیے سازگارپچ تھی لیکن شائقین کرکٹ دوسرے ٹیسٹ سے محظوظ ہوئے، مجھے اپنے کھلاڑیوں پرفخرہے۔
جیسن نیل گلیسپی کا کہنا تھا کہ کوشش کرتا ہوں کھلاڑیوں کو بیرونی دباؤ سے دور رکھوں، پاکستان کرکٹ بورڈ نے پہلے ٹیسٹ میچ کے بعد تبدیلیاں کیں، پہلے ٹیسٹ میچ کے بعد سلیکشن کمیٹی نئی بنائی گئی۔
