Latest Urdu news from Pakistan - Peshawar, Lahore, Islamabad

وزیراعظم شہباز شریف نے وفاقی کابینہ کی تقرری کے لیے صدر مملکت آصف علی زرداری کو نام تجویز کر دیے

وزیراعظم نے وفاقی کابینہ کے ارکان کے نام صدرمملکت آصف علی زرداری کو بھجوادیے۔ میاں شہبازشریف نے 19 ارکان کی بطور وفاقی وزیر تقرری کی تجویز دے دی۔ ذرایع کے مطابق عطاء تارڑ، خالد مقبول صدیقی، جام کمال، امیر مقام، اویس لغاری کے نام شامل ہیں جبکہ خواجہ آصف، احسن اقبال، رانا تنویر، عبدالعلیم خان، اعظم نذیر تارڑ بھی وفاقی کابینہ کا حصہ ہوں گے۔

چوہدری سالک حسین، قیصر شیخ اور ریاض پیرزادہ کے نام بھی تجویز کئے گئے ہیں، وزیراعظم کی فہرست میں محمد اورنگزیب، احد چیمہ اور محسن نقوی کے نام بھی شامل ہیں۔ فہرست میں اسحاق ڈار، مصدق ملک اور شزا فاطمہ کے نام بھی شامل ہیں، زیراعظم نے فہرست میں تین افراد کو وزیر مملکت بنانے کی سفارش کی ہے۔

واضح رہے کہ نئی وفاقی کابینہ آج سہ پہر 3 بجے ایوان صدر میں حلف اٹھائے گی، صدر مملکت آصف علی زرداری کابینہ کے ارکان سے حلف لیں گے۔

جواب چھوڑیں

آپ کا ای میل ایڈریس شائع نہیں کیا جائے گا.