Latest Urdu news from Pakistan - Peshawar, Lahore, Islamabad

سیاسی جماعتوں کے امیدواروں کو سیکورٹی نہیں دے سکتے: پشاور پولیس

پشاور پولیس نے انتخابات کے دوران سیاسی جماعتوں کے امیدواروں کو سکیورٹی دینے سے معذرت کرلی۔ کیپیٹل سٹی پولیس نے تمام اُمیدواران کو تحریری طور پر مشورہ دیا ہے کہ تمام امیدوار اپنی سیکورٹی کا بندوبست خود کریں۔ پشاور پولیس کا کہنا ہے کہ نفری میں کمی کے باعث پی ٹی آئی، اے این پی، جماعت اسلامی اور جے یو آئی کے اُمیدواروں کو پولیس گارڈ نہیں دے سکتے۔

واضح رہے کہ پشاور پولیس کو انتخابات کے دوران سکیورٹی کے لیے پی ٹی آئی کے تیمور سلیم جھگڑا، ارباب شیر علی، جماعت اسلامی کے امیدوار صابر حسین اعوان، سابق صوبائی اسپیکر کرامت اللہ چغرمٹی اور دیگر امیدواروں نے سکیورٹی کے لیے پولیس گارڈ دینے کی درخواستیں دی تھیں۔


پشاور پولیس کے مطابق تمام امیدواروں کی کارنر میٹنگز اور جلسوں کے لیے سکیورٹی فراہم کی جائے گی، پولیس اہلکار الیکشن کے دن پولنگ اسٹیشنز پر تعینات رہیں گے، پولیس کے پاس امیدواران کو سکیورٹی دینے کے لیے اضافی نفری نہیں ہے۔

جواب چھوڑیں

آپ کا ای میل ایڈریس شائع نہیں کیا جائے گا.