وزیراعظم شہبازشریف نے ہدایت کی ہے کہ ملک کی بڑھتی ہوئی آبادی اور اس سے پیدا کردہ مسائل سے نمٹنے کے لیے صوبوں کے ساتھ مل کر قومی پالیسی مرتب کی جائے، وزیراعظم نے تیزی سے بڑھتی آبادی کو ترقی اور معیشت کا فعال حصہ بنانے کے لیے منصوبہ بندی کو ضروری قرار دیدیا ۔
اسلام آباد: وزیراعظم شہباز شریف کی زیر صدارت اجلاس ہوا جس میں بڑھتی آبادی اور اسکے مسائل کے حل کے لیے اقدامات کا جائزہ لیاگیا ۔
وزیراعظم شہبازشریف نے کہاکہ پاکستان میں آبادی کے بڑھنے کی سالانہ شرح 2.55 فیصد ہے، تیزی سے بڑھتی آبادی کو ترقی اور معیشت کا فعال حصہ بنانے کے لیے منصوبہ بندی کو ضروری قرار دیدیا ۔
وزیراعظم کاکہنا تھا کہ نوجوان ملک کا انتہائی قیمتی اثاثہ ہیں، نوجوانوں کو معاشی ترقی میں کردار ادا کرنےکے مواقع دینےکے لیے اقدامات کر رہے ہیں ۔
وزیراعظم نے بڑھتی آبادی اور مسائل سے نمٹنے کےلیے صوبوں کے تعاون سے مؤثر حکمت عملی بنانےکی ہدایت کردی، اجلاس میں وزیر منصوبہ بندی و ترقی احسن اقبال، وزیر تعلیم خالد مقبول صدیقی، وزیر اطلاعات عطا اللہ تارڑ، وزیر مذہبی امور سردار محمد یوسف، وزیر قانون اعظم نذیر تارڑ اور متعلقہ اداروں کے اعلیٰ حکام نے شرکت کی ۔
