وزیراعظم محمد شہباز شریف نے سعودی عرب میں عام آبادی اور توانائی کی تنصیبات پر حوثیوں کے بزدلانہ حملے کی سخت ترین الفاظ میں مذمت کی ہے ۔
اسلام آباد: اپنے ایک بیان میں وزیراعظم شہبازشریف نے ان حملوں میں متعدد افراد کے زخمی ہونے پر تشویش کا اظہار کرتے ہوئے خادم الحرمین الشریفین شاہ سلمان بن عبدالعزیز، ولی عہد شہزادہ محمد بن سلمان اور سعودی عوام کے ساتھ کامل یکجہتی کا اظہار کیا ۔
انہوں نے کہا کہ بے گناہ شہریوں اور معاشی انفراسٹرکچر کو نشانہ بنانا شدید مذموم اقدام ہے، جس سے انسانی جانوں کو خطرے کے ساتھ ساتھ علاقائی امن و سلامتی کو بھی شدید نقصان پہنچتا ہے ۔
وزیراعظم نے سعودی عرب کی خودمختاری، دفاع اور سلامتی کے لیے پاکستان کے غیر متزلزل تعاون کا اعادہ کرتے ہوئے واقعے میں زخمی ہونے والے افراد کی جلد اور مکمل صحت یابی کی دعا کی ۔
