اسلام آباد ہائیکورٹ نے 27 ستمبر کو پاکستان تحریک انصاف کے ممکنہ احتجاج اور لانگ مارچ کے خلاف مقامی تاجر کی درخواست پر لارجر بینچ تشکیل دے دیا ہے،عدالت نے اٹارنی جنرل، چاروں صوبوں کے چیف سیکرٹریز، آئی جیز اور ایڈووکیٹ جنرلز کو نوٹس جاری کرتے ہوئے آئندہ سماعت پر ذاتی حیثیت میں طلب کر لیا ہے ۔
اسلام آباد: چیف جسٹس اسلام آباد ہائیکورٹ سرفراز ڈوگر کی سربراہی میں قائم تین رکنی بینچ، جس میں جسٹس اعظم خان اور جسٹس محمد آصف شامل ہیں، 10 ستمبر کو اس اہم کیس کی سماعت کرے گا ۔
معاملے کی حساسیت کے پیش نظر عدالت نے اٹارنی جنرل، چاروں صوبوں کے چیف سیکرٹریز، آئی جیز اور ایڈووکیٹ جنرلز کو نوٹس جاری کرتے ہوئے آئندہ سماعت پر ذاتی حیثیت میں طلب کر لیا ہے ۔
دورانِ سماعت درخواست گزار کے وکیل نے مؤقف اختیار کیا کہ اسلام آباد میں احتجاج کے اعلان سے عام شہریوں اور تجارتی سرگرمیوں کو شدید مشکلات کا خدشہ ہے ۔
انہوں نے عدالتی کارروائیوں پر احتجاجی دباؤ اور ماضی کے مالی و جانی نقصان کا حوالہ دیتے ہوئے کہا کہ آئین و قانون کے تحت حکومت کو امن و امان قائم رکھنے کے لیے احتجاج پر مناسب پابندیاں لگانے کا اختیار حاصل ہے ۔
عدالت نے کیس کی مزید سماعت 10 ستمبر تک ملتوی کر دی گئی ۔
