وزیرِاعظم شہباز شریف کی جانب سے بنگلا دیش نیشنلسٹ پارٹی (بی این پی) کےسربراہ طارق رحمان سے ٹیلیفونک رابطہ کیا گیا ہے،وزیرِاعظم شہباز شریف نے طارق رحمان کو بنگلادیش نیشنلسٹ پارٹی کی انتخابی کامیابی پر مبارکباد دی ۔
اسلام آباد: وزیرِاعظم آفس سے جاری بیان کے مطابق وزیر اعظم شہبازشریف نے بنگلادیش کے عوام کو کامیاب عام انتخابات کے انعقاد پر مبارکباد دی اور پاکستان اور بنگلادیش کے درمیان دوطرفہ تعاون مزید بڑھانے کے عزم کا اظہار کیا ۔
اس حوالے سے وزیراعظم شہبازشریف نے بی این پی کے سربراہ طارق رحمان کو ٹیلیفون کیا ، اس دوران دونوں رہنماؤں نے باہمی دلچسپی اور خطےکے امن و ترقی کے امور پر تبادلہ خیال بھی کیا ۔
اعلامیے کے مطابق دوران گفتگو دونوں رہنماؤں نے بیگم خالدہ ضیا کی پاک بنگلا دیش تعلقات کےلیےخدمات کو خراجِ عقیدت پیش کیا ۔
دونوں رہنماؤں نے رابطےمیں رہنے اورعوامی فلاح کے لیے مل کرکام کرنے پر اتفاق کیا، اعلامیے کے مطابق وزیراعظم نےطارق رحمان کو جلد پاکستان کے دورے کی دعوت دی ۔
