پی ایس ایل 9:ٹاپ چار فائنلسٹ ٹیموں کا فیصلہ ہو گیا

پی ایس ایل 9 کی ٹاپ چار فائنلسٹ ٹیموں کا فیصلہ ہو گیا۔ پشاور، اسلام آباد، ملتان اور کوئٹہ کی ٹیمیں پلے آف مرحلے میں پہنچ گئیں

ملتان سلطانز کی پوائنٹس ٹیبل پر 10میچوں میں 7فتوحات کیساتھ 14پوائنٹس کے ہمراہ پہلی پوزیشن پر قابض ہے جبکہ پشاور زلمی13 پوائنٹس کے ساتھ دوسری پوزیشن پر موجود ہے۔اسلام آباد یونائیٹڈ تیسرے نمبر پر موجو دہے جبکہ کوئٹہ گلیڈی ایٹر چوتھے نمبر پر موجود ہے۔کراچی کنگز ار لاہور قلندر ایونٹ سے باہر ہوچکی ہیں۔

ملتان سلطانز سے شکست کے بعد چوتھی پوزیشن پر موجود گلیڈی ایٹرز جمعے کو پہلے ایلیمینیٹر میں تیسرے نمبر پر موجود اسلام آباد یونائیٹڈ کی ٹیم کے مدمقابل آئے گی۔کوالیفائر کا فاتح 18مارچ کو فائنل میں براہ راست کوالیفائی کرجائے گا جبکہ کوالیفائر کے رنر اپ کے پاس 16مارچ بروز ہفتہ ایلیمینیٹر 2میں پہلے ایلیمنیٹر کے فاتح کا مقابلہ کرکے فائنل میں پہنچنے کا ایک اور موقع ہوگا۔