پنجاب کے شہر بہاولنگر میں بیٹی کو جنم دینے پر شوہر اور سسرال والوں نےخاتون کو تشدد کرکے قتل کردیا۔
ذرائع کے مطابق واقعہ بہاولنگر کے علاقے خدام میں پیش آیا۔کوٹ رادھا کشن کی رہائشی شمائلہ بی بی نے اپنی پسند سے خدام آباد کالونی بہاولنگر کے نعمان سے شادی کی تھی۔اس جوڑے کے دو بیٹے اور چار بیٹیاں ہیں۔ تاہم، شمائلہ کو اپنے شوہر اور سسرال والوں کی جانب سے جہیز نہ لانے اور بیٹیوں کو جنم دینے پر مسلسل بدسلوکی کا سامنا کرنا پڑا۔شمائلہ کے بھائی کی شکایت پر پولیس نے سٹی بی ڈویژن تھانے میں اس شخص کے خلاف مقدمہ درج کر کے اسے گرفتار کر لیا،جبکہ خٓاتون کی لاش کو پوسٹ مارٹم کے لیے ڈسٹرکٹ اسپتال بھیج دیا گیا۔
