محکمہ موسمیات کے مطابق ملک کے مختلف علاقوں میں جاری بارشوں کا سلسلہ ختم ہوگیا ہے ، جبکہ آئندہ 24 گھنٹوں کے دوران ملک کے بیشتر علاقوں میں موسم گرم اور مرطوب رہنے کی پیش گوئی کی گئی ہے ۔
موسمیاتی رپورٹ کے مطابق شمال مشرقی بلوچستان، ہزارہ اور مالاکنڈ ڈویژنز ، گلگت بلتستان اور کشمیر کے بعض علاقوں میں کہیں کہیں بارش کا امکان ہے ، جبکہ دیگر علاقوں میں موسم زیادہ تر خشک اور گرم رہنے کی توقع ہے ۔
محکمہ موسمیات کے مطابق بارشوں کے حالیہ سلسلے کے اختتام کے بعد ملک کے بیشتر میدانی علاقوں میں درجہ حرارت میں اضافے اور حبس کی کیفیت برقرار رہ سکتی ہے ۔ شہریوں کو گرم اور مرطوب موسم کے دوران احتیاطی تدابیر اختیار کرنے کی ہدایت کی گئی ہے ۔
دوسری جانب بالائی علاقوں میں موسم نسبتاً خوشگوار رہنے کا امکان ہے ، تاہم بعض مقامات پر بارش کے باعث موسم میں وقتی تبدیلی متوقع ہے ۔
درجہ حرارت کے لحاظ سے تربت 43 ڈگری سینٹی گریڈ کے ساتھ گرم ترین مقام رہا ، جبکہ لاہور میں 36 ، کوئٹہ میں 35 ، پشاور میں 34 اور کراچی میں 30 ڈگری سینٹی گریڈ ریکارڈ کیا گیا ۔ مری میں کم سے کم درجہ حرارت 24 اور مالم جبہ میں بھی 24 ڈگری سینٹی گریڈ ریکارڈ ہوا ۔
