چیف جسٹس پاکستان جسٹس قاضی فائز عیسیٰ کی زیر صدارت جوڈیشل کمیشن کا اجلاس ہوا جس میں جوڈیشل کمیشن نے ایک سال کے لیے دو ناموں کی منظوری دی۔
جوڈیشل کمیشن نے سابق ججز سردار طارق مسعود اور مظہر عالم میاں خیل کو سپریم کورٹ میں ایڈہاک جج مقرر کرنے کی منظوری دی۔
جسٹس منیب اختر ،جسٹس یحییٰ آفریدی ،جسٹس منصورعلی شاہ نے جسٹس (ر)مظہرعالم میاں خیل کی بطور ایڈہاک جج تعیناتی کی مخالفت کی۔
جسٹس منیب اختر نے ایڈہاک ججز کی تعیناتی کی مکمل مخالفت کرتے ہوئے کہا کہ ایڈہاک ججز بالکل بھی تعینات نہیں ہونے چاہیئں۔
جسٹس مظہرعالم میاں خیل کی تعیناتی پر جسٹس منصور علی شاہ اور جسٹس یحییٰ آفریدی کا اختلاف تھا کہ وہ ایڈہاک جج بننے سے معذرت کر چکے ہیں۔
خیال رہے کہ سپریم کورٹ کے ایڈہاک ججز کے طور پر 4 سابق ججز کے نام تجویز کیے گئے تھے جن میں 4 سابق ججز میں سابق ججز مشیر عالم، سردار طارق مسعود، مظہر عالم میاں خیل اور مقبول باقر شامل تھے۔
مشیر عالم، مقبول باقر اور مظہر عالم میاں خیل نے ایڈہاک جج بننے سے معذرت کی تھی۔
